Yüksək təzyiq polietileni, izotaktik polipropilen və polivinilxlorid əsasında polimer kompozitlərin alınması

Özet

Məqalədə yüksək təzyiq polietileni (YTPE), izotaktik polipropilen (PP) və polivinilxlorid (PVX) əsasında, komponentlərin müxtəlif nisbətlərində kompozit nümunələrin alınması və onların fiziki-mexaniki göstəricilərinin tədqiqi təqdim edilib. Tədqiqat işi götürülən polimerlərin bir-biri ilə uyuşma xüsusiyyətlərinin öyrənilməsi və yüksək fiziki-mexaniki xassələrə malik yeni nəsil kompozit materialların alınmasının öyrənilməsi istiqamətindədir. Sadə texnologiyaya məxsus, eləcə də aşağı maya dəyərli yeni nəsil kompozitlərin alınması istiqamətində tədqiqat işlərinin yerinə yetirilməsi aktual sayılır, iqtisadi və ekoloji cəhətdən əlverişli hesab edilir. Polimerlərin bir-biri ilə uyuşması şəraitinin təmin edilməsi və yüksək istismar göstəricilərinə xas olan parametrlərin alınmasına nail olunması məqsədi ilə olefinlərin üstün xüsusiyyətlərinə əsasən müxtəlif nisbətlərdə qarışıqlar alınmışdır.