Peyk kommunikasiya sistemləri: texnoloji inkişafın təhlili və perspektivləri

Özet

Məqalədə peyk rabitə sistemlərinin texnoloji inkişafı və gələcək perspektivləri elmi baxımdan təhlil edilmişdir. Məqalədə geostasionar (GEO), aşağı yer orbitində (LEO) və orta yer orbitində (MEO) fəaliyyət göstərən peyklərin texniki xüsusiyyətləri və funksional imkanları müqayisəli şəkildə araşdırılmış, yüksək bant genişliyi peykləri (HTS) və konstellasiya şəbəkələrinin performansa, əhatə dairəsinə və məlumat ötürmə sürətinə təsiri qiymətləndirilmişdir. Ka-band texnologiyası, siqnal gecikməsi, spektrin optimallaşdırılması və CubeSat-ların elmi tətbiqləri kimi əsas problemlərin həlli üçün müxtəlif texniki yanaşmalar təklif edilmişdir. Analitik və müqayisəli üsullardan istifadə olunaraq peyk sistemlərinin üstünlükləri və məhdudiyyətləri qiymətləndirilib. Nəticələr göstərir ki, Ka-band optimallaşdırması, GEO–LEO hibrid modelləri və CubeSat-ların lokal elmi istifadəsi peyk rabitəsinin səmərəliliyini artıraraq qlobal rabitə infrastrukturunun inkişafına əhəmiyyətli töhfə verə bilər.